नाशिक (इंडिया दर्पण वृत्तसेवा) – जुने सिबीएस भागात मद्यधुद त्रिकुटाने तरूणास मारहाण केल्याची घटना घडली. या घटनेत वीट फेकून मारल्याने १८ वर्षीय युवक जखमी झाला असून याप्रकरणी सरकारवाडा पोलीस ठाण्यात गुन्हा दाखल करण्यात आला आहे.
सॅम व त्याचे दोन साथीदार अशी संशयितांची नावे आहेत. याबाबत जॉय अनिल वाघमारे (१८ रा.मिशनमळा,शरणपूररोड) या युवकाने फिर्याद दिली आहे. जॉय वाघमारे रविवारी (दि.१४) रात्री आपल्या मित्रांसमवेत सीबीएस भागात गेला असता ही घटना घडली.
मद्यधुंद असलेल्या सॅम व त्याच्या साथीदारांनी जॉय यास गाठून विनाकारण भांडण करून त्यास मारहाण केली. यावेळी संतप्त त्रिकुटाने डोक्यात वीट मारून फेकल्याने तो जखमी झाला असून अधिक तपास साबळे करीत आहेत.
