नाशिक (इंडिया दर्पण वृत्तसेवा) – मुंबई- नाशिक महामार्गावर पाडळी जवळ पिकअप पलटी झाल्याची घटना पहाटे घडली. या अपघातात चालकासह तीन जण जखमी झाले आहे. मुंबई कडून ही पिकअप नाशिककडे येत असतांना ही घटना घडली. पिकअप गाडी चालकाचे गाडीवरील नियंत्रण सुटल्याने पिकअप पलटी झाली.
या अपघाता दोन गंभीर जखमी झाले व दोन किरकोळ जखमी झाले आहे. या जखमी व्यक्तीच्या डोक्यास व हाता पायास गंभीर मार लागला असून त्यांना तात्काळ नाशिक येथे सिव्हिल हॉस्पिटलमध्ये दाखल करण्यात आले आहे. आज पहाटे ४.४५ वाजता हा अपघात झाला.
या अपघातात हरीश फुलचंद यादव, हरिओम गुप्ता, रजनीकांत गुड, राजकुमार गुप्ता, रा. मिरा भाईंदर, मुंबई हे जखमी झाले आहे. या सर्व जखमींना जगद्गुरू नरेंद्राचार्य महाराज संस्थानाच्या गोंदे फाटा येथील मोफत रुग्णवाहिका सेवेने तातडीने रुग्णांना दाखल करण्यात आले.
