नांदगाव (इंडिया दर्पण वृत्तसेवा) – शहरातील डॉ.बाबासाहेब आंबेडकर चौकात उभ्या असलेल्या मोटरसायकलने अचानक पेट घेतल्याने मोठा गोंधळ उडाला. भर बाजार पेठेत ही घटना घडल्याने नागरीकांची मोठी धावपळ उडाली. मात्र परिस्थितीचे गांभीर्य ओळखून आजू-बाजूच्या लोकांनी जळत्या मोटर सायकलवर पाण्याचा मारा करत आग विझवली. त्यामुळे मोठा अनर्थ टळला. एकीकडे आग ओकणार सूर्य त्यात तापमान ४० पार होत असल्याने वाहनांच्या वायरींग वितळून अशा घटना घडत असल्याचे बोलले जात आहे.
