मनमाड (इंडिया दर्पण वृत्तसेवा) – मालेगावात तरुणाचा खून करुन फरार झालेल्या आरोपीस मनमाड मधून ताब्यात घेण्यात आले. येथील शहरातील संगमेश्वर भागात काल रात्रीच्या सुमारास जून्या वादातून रफिक खान याचा धारदार हत्याराने वार करुन खून झाल्याची घटना घडली होती.
या प्रकरणी छावणी पोलिसात गुन्हा दाखल झाल्या नंतर स्थानिक गुन्हे शाखेच्या पथकाने तपास सुरु केला असता मुख्य आरोपी हा दुचाकीवरुन फरार झाला होता. पोलिसांनी गुप्त माहितीच्या आधारे खूनाच्या प्रकरणातील मुख्य आरोपी रफिक शहा ऊर्फ लम्बा रफिक याला मनमाड येथील रेल्वे स्थानक परिसरातून ताब्यात घेतले. तर त्याचा जोडीदार फैसल नामक व्यक्ती हा फरार झाला आहे. पोलिस त्याचा शोध घेत आहे. दरम्यान रफिक शहा याने गुन्हाची कबुली दिली असून त्याने वापरलेली मोटरसायकल पोलिसांनी जप्त केली आहे.
