नाशिक (इंडिया दर्पण वृत्तसेवा) – मुंबई आग्रा महामार्ग वर सोमवारी रात्री साडेदहा वाजता मुंबईकडून नाशिककडे जात असताना रिक्षा चालकाचे नियंत्रण सुटल्याने अपघात झाला. या अपघाता रिक्षाने अज्ञात वाहनाला जोरदार धडक दिली. त्यात रिक्षा चालक गंभीर जखमी झाला.
या अपघातात नुकसान झालेल्या रिक्षाचा क्रं MH.03.DC.2401 असा आहे. निर्मळ आश्रम जवळ हा अपघात झाला. यात चालक राजू जाधव (४३), रा. मुंबई हा जखमी झाला आहे.
या अपघाताची माहिती मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत अॅम्बुलन्स लगेचच अपघात स्थळी पोहोचली व त्या जखमींस तात्काळ नाशिक जिल्हा शासकीय रुग्णालयात दाखल करण्यात आले.
