कोल्हापूर (इंडिया दर्पण वृत्तसेवा) – स्वाभिमानी शेतकरी संघटनेचे नेते राजू शेट्टी यांनी सोमवारी हातकणंगले लोकसभा मतदार संघासाठी आपला उमेदवारी अर्ज दाखल केला. सकाळी अकराच्या सुमारात एेतिहासिक दसरा चौकातून शेट्टी यांनी मोठे शक्तीप्रदर्शन केले.
पारंपारिक पध्दतीने बैलगाडीतून व्हीनस कॅार्नर मार्गे जिल्हाधिकारी कार्यालयात ते दाखल झाले. यावेळी त्यांनीसोबत एक विद्यार्थी, एक कामगार, एक शेतमजूर आणि चळवळीतील कार्यकर्ता असे चौघे त्यांच्याबरोबर होते. त्यांना घेऊन त्यांनी आपला अर्ज भरला.
हातकणंगले मतदार संघात शिवसेना शिंदे गटाचे विद्यमान खासदार धैर्यशील माने, महाविकास आघाडीतून माजी आमदार सत्यजीत पाटील तर वंचित आघाडीकडून डी.सी.पाटील हे उमेदवार आहे. त्यामुळे या चौरंगी लढतीत शेट्टी यांनी आज शक्तीप्रदर्शन केले.
