नाशिक (इंडिया दर्पण वृत्तसेवा) – व्यवसायात यशस्वी व्हायचे असल्यास सातत्याने प्रयत्न करा, माणसे जोडा, टारगेट मोठे घ्या तरच आपला व्यवसाय वाढेल व आपण आपले लक्ष गाठु शकु असे प्रतिपादन अशोका ग्रुपचे चेअरमन अशोक कटारिया यांनी केले. नाशिक बिझिनेस असोसिएशनच्या पदग्रहण समारंभ प्रसंगी कटारिया बोलत होते. प्रास्ताविक व परिचय अनिकेत बागडे यांनी केले, मनोगत सुदीप लोढा यांनी तर आभार वैशाखी सोनार यांनी मानले.
याप्रसंगी नविन कार्यकारिणीची निवड करण्यात आली. अध्यक्ष सुदीप लोढा, उपाध्यक्षा वैशाखी सोनार, सेक्रेटरी शुभम कावळे, खजिनदार म्हणुन अभय अगस्ते यांची निवड करण्यात आली. याप्रसंगी संचालक सर्वश्री राजेंद्र कोतकर, संदीप सोनवणे, मधुरा कुंभेजकर, विक्रम खैरणार, बाळासाहेब आंबरे तसेच पुर्व खजिनदार दिलीप रंगारी, सहसेक्रेटरी नितिन राका यासह विवीध संस्थाचे पदाधिकारी व एनबीए सदस्य मोठ्या संख्येने उपस्थित होते.
