नाशिक (इंडिया दर्पण वृत्तसेवा) – डॅा. बाबासाहेब आंबेडकर यांच्या जयंतीनिमित्त शेतकरी पुत्राने कांद्यावर डॉ.बाबासाहेब आंबेडकर यांचे चित्र रेखाटत अनोखे अभिवादन केले.
शेतकऱ्याचा जिव्हाळ्याचा प्रश्न असलेल्या कांद्याकडे सरकारचे लक्ष वेधले जावे म्हणून शेतकरी पुत्र असलेल्या किरण मोरे यांनी कांद्यावर भारतरत्न डॉ.बाबासाहेब आंबेडकर व महात्मा फुले या गुरू शिष्याचे चित्र रेखाटून बाबासाहेबांना जयंती निमित्त अनोखे अभिवादन केले आहे. संविधान टीकले पाहिजे, शेतकरी सन्मानाने जगला पाहिजे..अशा आशयाचा संदेश देखील किरण मोरे यांनी दिला आहे..
जिल्ह्यात सध्या कांद्याचा प्रश्न जटिल होवून बसला आहे. कधी निर्यातबंदी तर कधी लेव्ही प्रकरण यामुळे शेतकरी सध्या आर्थिक संकटात सापडला आहे.
