नाशिक (इंडिया दर्पण वृत्तसेवा) – आसाम रायफल्स वेटरन्स दिन २३ मार्च २०२४ रोजी साजरा झाला. त्यानंतर आता आसाम रायफल्स महानिदेशालय, आसाम रायफल्स पूर्व सैनिक संघाच्या सहयोगाने, महाराष्ट्रातील आसाम रायफल्स माजी सैनिक संघाच्या नवीन आसाम रायफल्स माजी सैनिक संघ (ARESA) केंद्राचे उद्घाटन होत आहे. हे महाराष्ट्रातील पहिले ARESA केंद्र आहे ज्यात १०७ पूर्व सैनिक आहेत, राज्यातील आसाम रायफल्स वेटरन्सला कल्याण सुविधांची आणि समर्थन सेवांचा पुरवठा करण्यास हे केंद्र समर्पित असणार आहे.
लेफ्ट. जनरल प्रदीप चंद्रन नायर, पी वी एस एम, ए वी एस एम, वाय एस एम, पीएच.डी,महा निदेशक आसाम रायफल्स यांच्या हस्ते नवीन केंद्राचे २१ एप्रिल २०२४ रोजी उद्घाटन होणार आहे. यानंतर माजी सैनिक रॅलीचे आयोजनही करण्यात आले आहे. आसाम रायफल्समध्ये सेवा केलेल्या वेटरन्सच्या योगदानांचा समर्थनासाठी याचे आयोजन करण्यात आले आहे. लेफ्टनंट जनरल प्रदीप नायर हे मूळ पुण्याचे नागरिक आहेत आणि त्यांचे शिक्षण सातारा सैनिक शाळेमध्ये झालेले आहे.
ARESA केंद्र माजी सैनिकांनी स्वतः नियोजित केलेले आहेत, ज्यामुळे माजी सैनिकांच्या विशेष नाशिक केंद्राला १११ आसाम रायफल्सच्या माजी सैन्य कर्मचा-यांच्या आणि वीर नारींच्या आवश्यकतांसाठी परवानगी दिली आहे. या कार्यक्रमाच्या निमित्ताने माजी सैन्यकर्मचा-यांना त्यांचे अनुभव सांगण्याची आणि, जुन्या सहकर्मींसह पुन्हा संपर्क साधण्याची संधी मिळणार आहे. देशभरात एकूण ३४ ARESA केंद्रे आसाम रायफल्सच्या एक लाखाहून अधिक माजी सैनिकांना मदत करतात.
