नाशिक (इंडिया दर्पण वृत्तसेवा)– भारतरत्न महामानव डॉ.बाबासाहेब आंबेडकर यांच्या १३३ व्या जयंतीच्या निमित्ताने रात्री १२ वाजता नाशिक शहरातील शालीमार व नाशिकरोड येथील डॉ.बाबासाहेब आंबेडकर यांच्या पुतळ्यास पुष्पहार अर्पण करत राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांनी विनम्र अभिवादन केले. तसेच यावेळी उपस्थित नागरिकांना डॉ.बाबासाहेब आंबेडकर यांच्या जयंतीच्या निमित्ताने शुभेच्छा दिल्या.
यावेळी पालकमंत्री दादाजी भुसे, आमदार देवयानी फरांदे, माजी मंत्री शोभा बच्छाव, माजी आमदार राजाभाऊ वाजे, रंजन ठाकरे, बाळासाहेब कर्डक, अजय बोरस्ते, आनंद सोनवणे, भिक्खू संघरत्न, प्रथमेश गीते, संजय भालेराव, कविताताई कर्डक, समाधान जेजुरकर, अंबादास खैरे, योगेश निसाळ, संजय खैरनार, नितीन चंद्रमोरे, यांच्यासह पदाधिकारी व कार्यकर्ते उपस्थित होते.
