इंडिया दर्पण ऑनलाईन डेस्क
माढा लोकसभा मतदार संघातील धैर्यशील मोहिते पाटील आज राष्ट्रवादी शरद पवार गटात प्रवेश करणार आहे. हा प्रवेश सोहळा अकलूज येथे होणार आहे. या पक्षप्रवेश सोहळ्यापूर्वी शरद पवार, सुशीलकुमार शिंदे हे विजयसिंह मोहिते पाटील यांच्या निवासस्थानी जाणार आहे. सकाळी हे नेते घरी भोजन करणार आहेत. त्यानंतर सायंकाळी ४ वाजता प्रदेशाध्यक्ष जयंत पाटील यांच्या उपस्थितीमध्ये उपस्थितीत प्रवेश करणार आहेत.
विजयसिंह मोहिते पाटील व जयसिंह मोहिते पाटील यावेळी उपस्थित राहणार आहेत. मोहिते पाटील पुन्हा एकदा शरद पवार यांच्याकडे परतणे हा पश्चिम महाराष्ट्रात सत्ताधारी भाजपसाठी मोठा धक्का मानला जातो. भाजपने माढा लोकसभा मतदार संघात विद्यमान खासदार रणजितसिंह नाईक निंबाळकर यांना उमेदवारी दिल्यामुळे मोहिते पाटील नाराज झाले. त्यानंतर त्यांनी भाजपचा राजीनामा दिला. त्यानंतर हा प्रवेश सोहळा होणार आहे. हा प्रवेश झाल्यानंतर त्यांची माढा लोकसभेसाठी उमेदवारींची घोषणा होणार आहे.
