इंडिया दर्पण ऑनलाईन डेस्क
मुळ पवार आणि बाहेरुन आलेल्या पवारांमध्ये फरक असल्याचे राष्ट्रवादीचे नेते शरद पवार यांनी सांगत सूनेला टोला लगावल्यानंतर त्यावर आता प्रतिक्रिया उमटू लागल्या आहे. शिवसेना शिंदे गटाच्या नेत्या शितल म्हात्रे यांनी या वक्तव्यावरुन सोशल मीडियावर पोस्ट टाकत टीका केली आहे. त्यात सो कॅाल्ड फुरोगामी असे म्हटले आहे.
म्हात्रे यांनी आपल्या पोस्टमध्ये म्हटले आहे, बाहेरुन’ आलेल्या सावित्री माई ज्योतिबांसोबत समाजकारणात उभ्या राहिल्या…’बाहेरुन’ आलेल्या येसूबाई, ताराराणी यांच्यासारख्या सुना स्वराज्यासाठी झगडल्या…अहो रमाईच्या संसारातल्या त्यागाने तर डॉ. बाबासाहेब आंबेडकर यांच्यासारखे पुरुष घडत असतात…सुनांना लेकीसारखी वागणूक देण्याची परंपरा आहे आमच्या महाराष्ट्रात…कदाचित मुलीच्या प्रेमापोटी, तुम्ही राजकारणासाठी तुमचे विचार बदलले…बारामतीच्या काकांचं हे वाक्य,’महाराष्ट्रातल्या समस्त लग्न करुन सासरी गेलेल्या सुनांचा अपमान’ आहे…सो कॉल्ड फुरोगामी…!!!
