इंडिया दर्पण ऑनलाईन डेस्क
हातकणंगले लोकसभा मतदारसंघात ताराराणी पक्षाच्या वतीने खुद्द आमदार प्रकाश आवाडे यांची उमेदवारी जाहीर केली आहे. नरेंद्र मोदी यांना पंतप्रधान करण्यासाठी आपली उमेदवारी असल्याचे म्हटले आहे. त्यामुळे या मतदार संघात पंचरंगी लढत होणार आहे. शिंदे गटाचे उमेदवार व विद्यमान खासदार धैर्यशील माने यांना हा मोठा धक्का आहे.
स्वाभिमानी शेतकरी संघटनेचे नेते राजू शेट्टी या मतदार संघातून निवडणूक लढवणार आहे. तर ठाकरे गटाने माजी आमदार सत्यजीत पाटील यांना उमेदवारी दिली आहे. तर वंचितने येथे उमेदवार दिला आहे. त्यामुळे येथील निवडणूक चुरशीची होणार आहे. आवाडे यांच्या उमेदवारी महायुतीला धक्का बसला आहे.
माने हे शिवसेना शिंदे गटाचे उमेदवार आहे. त्यांच्या उमेदवारीवरुन बराच वाद रंगला होता. त्यामुळे येथे उमेदवारी बदल्याचे संकेतही मिळत होते. पण, माने यांना अखेर उमेदवारी मिळाली असली तरी महायुतीमध्ये बंड झाले आहे.
