नाशिक (इंडिया दर्पण वृत्तसेवा)– मालेगाव पोलिसांनी मोठी कारवाई केली आहे. सुरत शहरातील लहान मुलांच्या मदतीने विविध मेडिकल मधून नशेसाठी वापरल्या जाणा-या कोरेक्स (कोडीन) बाटल्यांची खरेदी करायची त्याचा साठा झाला की तो मालेगाव,धुळे येथे चोरट्या मार्गाने विक्रीसाठी पाठवारे रॅकेट चालवणा-या संशयित जुबेर युसुफ शेख ऊर्फ आर.के याला मालेगावच्या विशेष पथकाने सुरत येथून ताब्यात घेतले आहे.
त्याच्यावर महाराष्ट्रातील विविध भागात नशेच्या औषध तस्करी प्रकरणी गुन्हे दाखल आहे. सुरत मधून महाराष्ट्रात नशेच्या गोळ्या(कुत्ता गोळी) व कोरेक्स बाटल्या पुरवणा-या मुख्य सुत्रधाराला अटक केल्याने काही प्रमाणात का होईना मालेगाव मध्ये नशेचे प्रमाण कमी होईल अशी आशा बोलली जात आहे.
