भंडारा (इंडिाय दर्पण वृत्तसेवा)- महाराष्ट्र काँग्रेसचे अध्यक्ष नाना पटोले यांच्या गाडीला भंडारा शहराजवळील भिलवाडा गावाजवळ अपघात झाला. पाठीमागून एका ट्रकने त्यांच्या कारला धडक दिली. या अपघातातून नाना पटोले बचावले. या अपघातात कोणीही जखमी झाले नाही. नशीब बलत्तर असल्याने नाना पटोले व त्यांच्या गाडीत असलेल्या कोणालाही दुखापत झाली नाही. पण, गाडीचा मागच्या भागाचा अक्षरश: चक्काचूर झाला.
मंगळवारी रात्री हा अपघात झाला. प्रचार संपवून ते सुकळी या स्वगावी जात असतांना मागून येणा-या ट्रकने त्यांच्या कारला धडक दिली. भंडा-यापासून पाच किलोमीटर अंतरावर असलेल्या भीलवाडा गावाजवळ ताफ्याला मागून भरधाव वेगाने येणा-या ट्रकने ही धडक दिली. या घटनेनंतर पोलिसांनी घटनास्थळी धाव घेतली.
