वंदना वेदपाठक, इंडिया दर्पण वृत्तसेवा
पुष्पा २’ सिनेमाची कित्येक दिवसांपासून सर्वांनाच उत्सुकता आहे. ‘पुष्पा २’ सिनेमा गेल्या अनेक दिवसांपासून ट्विटरवर ट्रेंड करतोय. गेल्या २ – ३ दिवसांपासून ‘पुष्पा २’ चे अनेक पोस्टर बाहेर येत आहेत. मागे रश्मिका मंदानाच्या वाढदिवशी तिचा लूक रिव्हिल करण्यात आला, तर दुसरीकडे हातात त्रिशूळ, गुलाल असा खास लूकमध्ये अल्लू अर्जुनची झलक दिसली. सर्वांना ज्याची उत्सुकता होती अशा ‘पुष्पा २’ चा टिझर नुकताच रिलीज झाला आहे.
फ्लावर नहीं फायर है असं पहिल्या भागात म्हणणार्‍या अल्लू अर्जुनचा दुसऱ्या भागात एकदम जबरदस्त अंदाज पाहायला मिळतो. या भागात पुष्पा वेगळ्या स्टाईलने गुंडांना धोबीपछाड करताना दिसतोय. पायात घुंगरु बांधून अन् चापून चोपून साडी नेसून पुष्पाच्या भूमिकेत अल्लू अर्जुन गुंडांना लोळवताना दिसतोय. पुष्पाची दहशत इतकी आहे की त्याला गुंड घाबरताना दिसतात.
१ मिनिटं ८ सेकंदांचा हा टिझर एकदमच भन्नाट झालाय यात शंका नाही. पहिल्या भागात पुष्पाने जिच्याशी लग्न केलं ती श्रीवल्ली अर्थात रश्मिका मंदाना सुद्धा दुसऱ्या भागात भन्नाट अवतारात दिसतेय. रश्मिका आणि अल्लू अर्जुन यांची केमिस्ट्री पुन्हा एकदा गाजणार यात शंका नाही.शंका नाही. ‘पुष्पा २’ सिनेमा १५ ऑगस्ट २०२४ ला रिलीज होणार आहे.
