नाशिक (इंडिया दर्पण वृत्तसेवा)- पेठरोडवरील राहू हॉटेल चौकात भरधाव आयशर ट्रकने दिलेल्या धडकेत १८ वर्षीय दुचाकीस्वार ठार झाल्याची घटना घडली. जयदेव मधुकर राथुड (रा.जातेगाव खु. ता.त्र्यंबकेश्वर) असे मृत युवकाचे नाव आहे. याप्रकरणी म्हसरूळ पोलीस ठाण्यात गुन्हा दाखल करण्यात आला आहे.
राथुड हा युवक शनिवारी रात्री पेठरोडने आपल्या दुचाकीवरून प्रवास करीत असतांना हा अपघात झाला. राहू चौकात तो रस्ता ओलांडत असतांना नाशिक कडून पेठच्या दिशेने भरधाव जाणा-या आयशर मालट्रकने ( जीजे २३ एटी ३७६६) दुचाकीस धडक दिली. या अपघातात त्याचा मृत्यू झाला.
याबाबत कुमार लोखंडे याने दिलेल्या फिर्यादीवरून ट्रक चालकाविरोधात गुन्हा दाखल करण्यात आला असून अधिक तपास पोलीस नाईक लिलके करीत आहेत.
