नागपूर (इंडिया दर्पण वृत्तसेवा)- नागपुरात मानकापूर कल्पना टॉकीज चौकात रविवारी रात्री एका ट्रकने दहा गाड्यांना धडक दिल्याची घटना घडली. या भीषण अपघातात १२ जण जखमी झाले आहे. या सर्व जखमींना उपचारासाठी रुग्णालयांमध्ये दाखल करण्यात आले आहे. या अपघातामध्ये एका रुग्णवाहिकेचा चेंदामेंदा झाला.
या अपघाता बाबत मिळालेली माहिती अशी की, मानकापूर उड्डाणपुलावरून उतरताना ट्रकचालकाचे नियंत्रण सुटले आणि समोर सिग्नलवर थांबलेल्या वाहनांवर जाऊन ट्रक (क्रमांक एमएच ३४ एबी ७८८१) धडकला. ही धडक इतकी भीषण होती, की काही कार फरफटत पुढे गेल्या. त्यात मोठ्या प्रमाणात कारचे नुकसान झाले.
या अपघातानंतर काही काळासाठी कोराडी मार्गावरील वाहतूक विस्कळीत झाली होती. त्यानंतर वाहतूक विभागाने वाहतूक सुरळीत केली.
हा अपघात झाल्यानंतर मोठ्या संख्येने नागरिकांची गर्दी झाली होती.
