इंडिया दर्पण ऑनलाईन डेस्क
शिवसेना ठाकरे गटाच्या नेत्या सुषमा अंधारे यांनी पुन्हा एकदा देवेंद्र फडणवीस यांच्यावर निशाणा साधला आहे. त्यांनी भाजपमध्ये होत असलेल्या ताज्या घडामोडीवर भाष्य करत चिमटा काढला आहे.
अंधारे यांनी सोशल मीडियावर ट्विट करत म्हटले आहे की, पंकजा मुंडे , महादेव जानकर यांना उमेदवारी जळगावचा उमेदवार बदलण्याची तयारी, एकनाथ खडसे यांची पुन्हा अमित शहा यांच्याशी भेट, फडणविसाना दोन दोन दिवस वेटिंग आणि नवनीत राणा यांना एक तासाच्या आत भेट या सगळ्यांचा अर्थ…. फडणवीसांना विनोद तावडे यांनी चिटपट केलेय..!
विधानसभेत विनोद तावडे यांना उमेदवारी मिळाली नव्हती. त्यानंतर ते दिल्लीत राष्ट्रीय राजकारणात गेले. तेथे पक्षीय राजकारणात त्यांनी लक्ष घातले. त्यानंतर बरेच निर्णय तावडे घेत असतात. तोच धागा पकडून अंधारे यांनी निशाणा साधला…
