इंडिया दर्पण ऑनलाईन डेस्क
जळगावः राष्ट्रवादी काँग्रेस पार्टी शरदचंद्र पवार पक्षाचे ज्येष्ठ नेते एकनाथ खडसे हे पंधरा दिवसात भाजपमध्ये दिल्ली प्रवेश करणार आहे. भाजपचे राष्ट्रीय अध्यक्ष जे.पी. नड्डा यांच्या उपस्थितीत हा प्रवेश होईल असे खडसे यांनीच सांगितले. चंद्रपूर येथे पंतप्रधान नरेंद्र मोदी यांच्या उपस्थितीत प्रवेश उद्या होणार नाही अशी माहिती त्यांनी दिली.
गेल्या काही दिवसांपासून खडसे यांच्या भाजप प्रवेशाची चर्चा सुरू आहे. खडसे यांच्या दिल्ली-मुंबई वारीमुळे या चर्चेला जोर चढला होता. पण, खडसे यांनी प्रवेशाच्या चर्चेला नकार दिला होता. पण, आता त्यांनीच प्रवेश करणार असल्याची माहिती दिली.
रोहिणी खडसे शरद पवार गटातच
दरम्यान रोहिणी खडसे काय करणार असा प्रश्न विचारला जात होता. त्या राष्ट्रवादीच्या महिला आघाडीच्या प्रदेशाध्यक्ष आहे. त्यामुळे त्यांच्या निर्णयाकडे सर्वांचे लक्ष होते. पण, त्यांनी शरद पवार गटातच राहणार असल्याचे स्पष्ट केले. त्यांनी सोशल मीडियावर एक पोस्ट टाकून म्हटले आहे की, मी राष्ट्रवादी महिला काँग्रेस शरदचंद्र पवार पक्षाची प्रदेशाध्यक्षा म्हणून काम करीत आहे, मी याच पक्षात आहे व भविष्यातही याच पक्षात राहणार आहे. मी आदरणीय शरदचंद्र पवार साहेबांसोबतच…लढ़ेंगे और जीतेंगे
