नाशिक (इंडिया दर्पण वृत्तसेवा)– मसाला दळण्यासाठी घरात आलेल्या भामट्या महिलेने शेजारी महिलेचे मंगळसुत्र चोरून नेल्याचा प्रकार जेलरोड येथील मोरेमळा भागात घडला. याप्रकरणी नाशिकरोड पोलीस ठाण्यात चोरीचा गुन्हा दाखल करण्यात आला आहे.
वनिता प्रविण जाधव असे गुन्हा दाखल करण्यात आलेल्या भामट्या महिलेचे नाव आहे. याबाबत उज्वला जाधव (रा.अत्तारबाबा चाळ,बालाजीनगर) यांनी फिर्याद दिली आहे. संशयित आणि तक्रारदार महिला एकमेकींच्या शेजारी असून गेल्या २३ मार्च रोजी ही घटना घडली. शेजारी राहणारी संशयित महिला उज्वला जाधव याच्या घरात मसाला दळण्यासाठी आल्या होत्या. उज्वला या मसाला दळून देत असतांना संशयित महिलेने किचनच्या रॅकवर ठेवलेले छोटे पाकिट चोरून नेले. या पाकिटात मनिमंगळसुत्र व डोरले असा सुमारे ३३ हजाराचा ऐवज होता. अधिक तपास सहाय्यक निरीक्षक काळे करीत आहेत.
सोन्याची पोत दुचाकीस्वार भामट्यांनी ओरबाडून नेली
नाशिक (इंडिया दर्पण वृत्तसेवा)- रस्त्याने पायी जाणा-या महिलेच्या गळयातील सोन्याची पोत दुचाकीस्वार भामट्यांनी ओरबाडून नेली. ही घटना हिरावाडीतील कमलनगर भागात घडली. याप्रकरणी पंचवटी पोलीस ठाण्यात जबरीचोरीचा गुन्हा दाखल करण्यात आला आहे.
मनिषा विजय मोरे (रा.जोशी कॉलनी हिरावाडी) यांनी याबाबत फिर्याद दिली आहे. मोरे या गुरूवारी (दि.४) रात्री फेरफटका मारण्यासाठी घराबाहेर पडल्या होत्या. कमलनगर भागातून त्या आपल्या घराच्या दिशेने पायी जात असतांना ही घटना घडली. समोरून मोपेड दुचाकीवर आलेल्या भामट्याने त्यांच्या गळ््यातील सुमारे ४५ हजाराची सोन्याची पोत हिसकावून नेली. अधिक तपास उपनिरीक्षक पंकज सोनवणे करीत आहेत.
