नाशिक (इंडिया दर्पण वृत्तसेवा)- कृष्णनगर भागात शिवीगाळ करण्याचा जाब विचारल्याने दोघा भावांनी दमदाटी करीत महिलांचा विनयभंग केल्याची घटना घडली. याप्रकरणी पंचवटी पोलीस ठाण्यात गुन्हा दाखल करण्यात आला आहे.
पोलीसांनी दिलेल्या माहितीनुसार सचिन बाळासाहेब दप्तरे व योगेश बाळासाहेब दप्तरे अशी गुन्हा दाखल करण्यात आलेल्या संशयितांची नावे आहेत. दप्तरे बंधू गुरूवारी (दि.४) रात्री आपल्या सोसायटीच्या पार्किंगमध्ये शिवीगाळ करीत होते.
यावेळी सोसायटीतील काही महिलांनी त्यांना जाब विचारला असता एकाने पीडितेस शिवीगाळ करीत विनयभंग केला तर दुस-याने शिवीगाळ करीत दमदाटी केली. अधिक तपास सहाय्यक निरीक्षक बापू रायकर करीत आहेत.
तरूणाचा मोबाईल बळजबरीने हिसकावून नेला
नाशिक (इंडिया दर्पण वृत्तसेवा)- आनंदवली भागात धारदार शस्त्राचा धाक दाखवून दोघा भामट्यांनी तरूणाचा मोबाईल बळजबरीने हिसकावून नेल्याची घटना घडली. याप्रकरणी गंगापूर पोलीस ठाण्यात जबरीचोरीचा गुन्हा दाखल करण्यात आला आहे.
पंकज विजय हिरकुडे (१९ रा.संभाजी चौक उंटवाडी) व सनी बबन सानप (रा.त्रिमुर्ती चौक,सिडको) अशी तरूणास लुटणा-या भामट्यांची नावे आहेत. याप्रकरणी चेतन राजेंद्र बोरसे (२२ रा. कर्मयोगीनगर,गोविंदनगर) या युवकाने फिर्याद दिली आहे.
बोरसे व त्याचा मित्र शुक्रवारी (दि.५) आनंदवली भागात गेले होते. गंगापूररोडने ते सायंकाळच्या सुमारास घराकडे परतत असतांना ही घटना घडली. दोघा मित्रांची वाट अडवित संशयितांनी धारदार शस्त्राचा धाक दाखवित त्यांना शिवीगाळ व मारहाण केली. यावेळी संशयित दुकलीने दोघा मित्रांकडील मोबाईल बळजबरीने हिसकावून घेत पोबारा केला. अधिक तपास सहाय्यक निरीक्षक गेंगजे करीत आहेत.
……..
