सटाणा (इंडिया दर्पण वृत्तसेवा)– ताहराबाद- सटाणा रस्त्यावर यशवंत नगरनजीकच्या हॉटेल दुर्गाजवळ भरधाव वाळूच्या डम्परने कांदा विक्रीसाठी घेऊन जाणाऱ्या दोन ट्रॅक्टर धडक दिली. या धडकेत एक ट्रॅक्टर चालक गंभीर जखमी झाला.
ही धडक इतकी जोरदार होती की एक ट्रॅक्टर दोनशे फुट फटफटत गेला. त्यानंतर हा ट्रॅक्टरने थेट हॉटेलची संरक्षण भिंत तोडून मध्ये घुसला. तर एक ट्रॅक्टर रस्त्यावर कलंडल्याने रस्त्यावर सर्वत्र कांद्याचा खच पसरला होता. या अपघातात जीवित हानी झाली नसली तरी कांद्याचे मोठ्या प्रमाणावर नुकसान झाले. या डम्परने आतापर्यंत तीन अपघात केल्याचे बोलले जातं आहे.
