नाशिक (इंडिया दर्पण वृत्तसेवा)– शहरात वेगवेगळय़ा भागात पार्क केलेल्या दोन दुचाकी चोरीला गेल्या. याप्रकरणी अंबड आणि देवळाली कॅम्प पोलीस ठाण्यात गुन्हे दाखल करण्यात आले आहेत.
पोलीसांनी दिलेल्या माहितीनुसार पहिली घटना नाणेगाव ता.जि.नाशिक येथे घडली. याबाबत हरी कोंडाजी भांगरे यांनी फिर्याद दिली आहे. भांगरे यांची स्प्लेंडर एमएच १५ एचजे ७७३७ गेल्या २९ मार्च रोजी रात्री त्यांच्या घरासमोर पार्क केलेली असतांना चोरट्यांनी ती पळवून नेली. याबाबत देवळाली कॅम्प पोलीस ठाण्यात गुन्हा दाखल करण्यात आला असून अधिक तपास हवालदार सिध्दपुरे करीत आहेत.
दुस-या घटनेत सागर राजू केंदाळे (रा.मटाले चौक,कामटवाडा) यांची एमएच १५ एचझेड ३७७० मोटारसायकल गेल्या १० ऑगष्ट रोजी औद्योगीक वसाहतीतील कोकाकोला कंपनी परिसरात पार्क केलेली असतांना ती चोरट्यांनी चोरून नेली. याबाबत अंबड पोलीस ठाण्यात गुन्हा दाखल करण्यात आला असून अधिक तपास हवालदार चव्हाण करीत आहेत.
