नाशिक (इंडिया दर्पण वृत्तसेवा)- जीमच्या चेंजीग रूममधून चोरट्यांनी एकाची बॅग चोरून नेल्याचा प्रकार औद्योगीक वसाहतीतील शिवाजीनगर भागात घडली. या बॅगेत रोकडसह, सोन्याची अंगठी आणि अ‍ॅपल मोबाईल असा सुमारे १ लाख ७० हजाराचा ऐवज होता. याप्रकरणी सातपूर पोलीस ठाण्यात चोरीचा गुन्हा दाखल करण्यात आला आहे.
विक्रांत योगेश गुळवे (२९ रा.संदिप सुपर मार्केट समोर,शिवाजीनगर) यांनी याप्रकरणी तक्रार दाखल केली आहे. गुळवे एमआयडीसीतील निवेक क्लबच्या आर्यन स्पोर्ट जीममध्ये नियमीत व्यायामासाठी जातात. मंगळवारी (दि.२) सायंकाळच्या सुमारास ते नेहमी प्रमाणे व्यायामासाठी गेले असता ही घटना घडली.
चेंजीगरूममध्ये अंगावरील दागिण्यांसह सर्व सामान बॅगेत काढून ठेवून ते व्यायाम करीत असतांना अज्ञात चोरट्यांनी चेंजीग रूममधील लॉकरमधून त्यांची बॅग चोरून नेली. या बॅगेत सुमारे १ लाख ७० हजाराचा ऐवज होता. अधिक तपास उपनिरीक्षक गांगुर्डे करीत आहेत.
