इंडिया दर्पण ऑनलाईन डेस्क
मुंबई आग्रा महामार्गावर ट्रकचे ब्रेक फेल झाल्याने अपघात झाल्याची घटना घडली. ब्रेक न लागल्याने चालकाचे नियंत्रण सुटले व ट्रक नाल्यात जाऊन पलटी झाला. पहाटे पाच वाजता नवीन कसारा घाट स्टार हॉटेलच्या अगोदर टर्निंगला हा अपघात झाला. या अपघातात दोन जण जखमी झाले असून त्यांना इगपूरीच्या रुग्णलायात उपचारासाठी दाखल करण्यात आले. टर्निंगवर अपघात झाल्यामुळे इतर वाहनांन धडकले नाही. त्यामुळे अनर्थ टळला…
याबाबत समजलेली माहिती अशी की, आज रोजी ठीक पाच वाजून पंचवीस मिनिटांनी पहाटे हा अपघात झाला. नाशिकहून मुंबईकडे हा ट्रक जात होता. हा ट्रक उत्तर प्रदेश येथील असून ट्रकचे फेल झाल्याने हा अपघात झाला.
ब्रेक न लागल्याने नियंत्रण सुटून ट्रक हा नाल्यात जाऊन टर्न वरती पलटी झाला. या अपघातात मोहम्मद शाहिद खान (२४) ,समीर रशीद खान श्(२४) रा. सुलतानपूर उत्तर प्रदेश हे जखमी झाले. त्यांना तात्काळ घटनास्थळावरुन इगतपुरी सरकारी दवाखान्यात दाखल करण्यात आले.
