नाशिक (इंडिया दर्पण वृत्तसेवा)– सिडकोतील औदूंबर स्टॉप भागात राहणा-या २० वर्षीय युवकाने गळफास लावून घेत आत्महत्या केली. सदर युवकाच्या आत्महत्येचे कारण समजू शकले नाही. याप्रकरणी अंबड पोलीस ठाण्यात मृत्यूची नोंद करण्यात आली आहे.
संकेत बाळासाहेब गायकवाड असे मृत युवकाचे नाव आहे. संकेत गायकवाड याने बुधवारी (दि.३) अज्ञात कारणातून आपल्या राहत्या घरात कुणी नसतांना छताच्या पंख्यास साडी बांधून गळफास लावून घेतला होता. त्यात त्याचा मृत्यू झाला. याबाबत अरूण पकघडकम यांनी दिलेल्या खबरीवरून पोलीस दप्तरी मृत्यूची नोंद करण्यात आली असून अधिक तपास पोलीस नाईक आवारे करीत आहेत.
पार्क केलेल्या कारचे सायलेन्स चोरट्यांनी चोरून नेले
नाशिक (इंडिया दर्पण वृत्तसेवा)- शहरात भुरट्या चोरट्यांचा सुळसुळाट झाला असून पार्क केलेल्या कारचे सायलेन्स चोरट्यांनी चोरून नेले. ही घटना कोनार्क नगर भागात घडली. याबाबत आडगाव पोलीस ठाण्यात चोरीचा गुन्हा दाखल करण्यात आला आहे.
चंद्रकांत रामदास पाटील (रा.कळसकर नगर,हिरावाडी) यांनी याबाबत फिर्याध दिली आहे. पाटील यांची इको कार (एमएच १५ एचवाय १६५२) गेल्या २३ मार्च रोजी रात्री कोनार्क नगर भागातील सुर्यवंशी मळा येथील पार्क साईडच्या बाजूला पार्क केलेली असतांना ही घटना घडली. अज्ञात चोरट्यांनी उभ्या कारचे सुमारे १० हजार रूपये किमतीचे सायलेन्सर खोलून नेले. अधिक तपास हवालदार मगर करीत आहेत.
