नाशिक (इंडिया दर्पण वृत्तसेवा) – सिन्नर तालुक्यातील वडझिरे येथे घेवून जात एका परिचीताने अल्पवयीन मुलीवर बलात्कार केल्याचा प्रकार समोर आला आहे. सोमवारी (दि.१) हा प्रकार घडला.
याप्रकरणी गणेश गिते नामक युवकाविरोधात नाशिकरोड पोलीस ठाण्यात बलात्कारासह बालकांचे लैंगिक अपराधापासून संरक्षण (पोस्को) कायद्यान्वये गुन्हा दाखल करण्यात आला आहे. संशयिताने लग्नाचे आमिष दाखवून हे कृत्य केले. अधिक तपास सहाय्यक निरीक्षक सुर्यवंशी करीत आहेत.
कारची काच फोडून रोकड चोरी
नाशिक (इंडिया दर्पण वृत्तसेवा)- पार्क केलेल्या कारची काच फोडून चोरट्यांनी हॅण्डबॅग चोरून नेली. या बॅगेत ५० हजाराची रोकड होती. ही घटना गंगापूररोडवरील होरायझन अ‍ॅकेडमी भागात घडली. याप्रकरणी गंगापूर पोलीस ठाण्यात गुन्हा दाखल करण्यात आला आहे.
कचरू सिताराम फडोळ (रा.फडोळमळा,डीजीपीनगर २ अंबड) यांनी याबाबत फिर्याद दिली आहे. फडोळ बुधवारी (दि.३) दुपारच्या सुमारास गंगापूररोड भागात गेले होते. होरायझन अ‍ॅकेडमी भागात त्यांनी आपली कार पार्क केली असता ही घटना घडली. अज्ञात चोरट्यांनी दगडाने कारच्या खिडकीची काच फोडून डॅशबोर्ड मध्ये ठेवलेली हॅण्डबॅग चोरून नेली. या बॅगेत ५० हजाराची रोकड होती. अधिक तपास पोलीस नाईक बागुल करीत आहेत.
