इंडिया दर्पण ऑनलाईन डेस्क
पुण्यातील नवले पुलाजवळ ट्रक व कंटेनरच्या अपघातात ट्रकने पेट घेतल्याची दुर्दैवी घटना घडली. या अपघातात चार जणांचा आगीत होरपळून मृत्यू झाला. तर काही जण गंभीर जखमी झाले आहे. स्वामी नारायण मंदिराजवळ कंटेनर उभा होता. यावेळी साता-याच्या दिशेने आलेला ट्रक कंटेनरला धडकला. यामुळे ट्रकने पेट घेतला.
सोमवारी साडेनऊच्या सुमारास हा अपघात झाला. या अपघातात मृत्यूमुखी पडलेले हे सर्व ट्रकच्या कॅबिनमध्ये बसले होते. यातील चार जणांचे मृतदेह बाहरे काढण्यात आले. यात एक महिला व लहान मुलाचा समावेश आहे. रस्त्याच्या कडेला उभ्या असलेल्या कंटेनेरला ट्रकने धडक दिली.
या आगीवर काही वेळात अग्निशमन दलाने नियंत्रण मिळवले. पुण्यातील नवले पुल वेगवेगळ्या घटनेमुळे नेहमीच चर्चेत असतो. या अपघातातील गंभीर जखमींना उपचारासाठी रुग्णालयात दाखल करण्यात आले आहे. स्थानिकांनी यावेळी मदत केली.
