इंडिया दर्पण ऑनलाईन डेस्क
वायनाड लोकसभा मतदार संघातून काँग्रेस नेते राहुल गांधी यांनी उमेदवारी अर्ज दाखल केला. यावेळी त्यांच्याबरोबर प्रियंका गांधी व काँग्रेसचे कार्यकर्ते उपस्थितीत होते.
उमेदवारी अर्ज दाखल केल्यानंतर राहुल गांधी म्हणाले की, वायनाड हे माझे घर आहे आणि वायनाडचे लोक माझे कुटुंब आहेत. त्यांच्याकडून मला गेल्या पाच वर्षांत खूप काही शिकायला मिळाले आणि भरपूर प्रेम आणि आपुलकी मिळाली. या सुंदर भूमीतून मी पुन्हा एकदा लोकसभेसाठी २०२४ साठी माझा उमेदवारी अर्ज भरतोय याचा अभिमान आणि नम्रता आहे.
ही निवडणूक भारताच्या आत्म्याचा लढा आहे; भारतमातेचा आवाज दाबू पाहणाऱ्या द्वेष, भ्रष्टाचार आणि अन्यायाच्या शक्तींपासून आपली लोकशाही टिकवण्याचा हा लढा आहे. मी, भारतातील प्रत्येक सदस्यासह, ही लढाई जिंकल्याशिवाय स्वस्थ बसणार नाही. आमचे राज्यांचे संघटन मजबूत करण्यासाठी आम्ही कन्याकुमारीपासून काश्मीरपर्यंत आणि मणिपूरपासून मुंबईपर्यंत प्रत्येक नागरिकाला एकत्र आणू.
