वंदना वेदपाठक, इंडिया दर्पण वृत्तसेवा
‘पुष्पा’ हा साऊथ सुपरस्टार अल्लू अर्जुनचा चित्रपट प्रचंड गाजला होता. आता या चित्रपटाचाच दुसरा भाग लवकरच प्रदर्शित होणार आहे. अपकमिंग चित्रपट ‘पुष्पा 2: द रूल’ लवकरच चाहत्यांच्या भेटीस येणार आहे. अल्लू अर्जनचे चाहते त्याच्या या चित्रपटाची वाट पाहत आहेत. निर्मात्यांनी ‘पुष्पा 2: द रूल’चे पोस्टर रिलीज केले आहे. त्याचसोबत त्याने या चित्रपटाच्या टीझरच्या रिलीज डेटची देखील घोषणा केली आहे.
या चित्रपटाचे निर्माते अल्लू अर्जुनच्या वाढदिवशी या चित्रपटाचा टीझर रिलीज करणार आहे. निर्मात्यांनी नुकताच सोशल मीडियावर एक पोस्टर शेअर केले आहे. ज्यामध्ये सगळीकडे कुंकू पडल्याचे दिसत आहे. या कुंकूच्या आसपास खूप सारे दिवे लावलेले दिसत आहेत आणि पायामध्ये घुंगरू बांधून कोणी तरी डान्स करत असल्याचे दिसत आहे.
हा डान्स अल्लू अर्जून करत असावा असे चाहते अंदाज लावत आहेत. सध्या हे पोस्टर व्हायरल होत आहे. पोस्टरने प्रेक्षकांची उत्सुकता आणखी वाढली आहे. या चित्रपटाचा टीझर ८ एप्रिल रोजी रिलीज होणार आहे. याच दिवशी अल्लू अर्जुनचा वाढदिवस देखील आहे. पुष्पा -द रूल’ हा चित्रपट याचवर्षी १५ ऑगस्टला रिलीज होणार आहे.
