येवला (इंडिया दर्पण वृत्तसेवा)- शहरात शुक्रवारी दुपारच्या सुमारास एकाच वेळी तीन सोनसाखळी चोरीच्या घटना घडल्या. सु-याचा धाक दाखवत गळ्यावर सुरा ठेवत चोरट्यांनी सोनसाखळ्या लांबवल्या होत्या.
येवला शहर पोलिसात गुन्हा दाखल होताच पोलिसांनी सीसीटीव्हीचा आधार घेत चोरट्यांचा माग काढत दोघांना पकडले. त्यांच्या कडून सुरा, मोटरसायकल व पाच तोळ्याच्या तीन सोनसाखळ्या असा तीन लाखाचा मुद्देमाल जप्त केला असून चोरट्यांनी चोरीचा गुन्हा कबुल केला आहे.
