नांदगाव (इंडिया दर्पण वृत्तसेवा)– तालुक्यातील पिंपरखेड येथे झोपड्यांना भीषण आग लागून त्यात ५ ते ६ झोपड्या जळून खाक झाल्या. घरातील लोक वेळीच बाहेर पडल्यामुळे त्यांचा जीव वाचला. या आगीत मोठ्या प्रमाणात कोंबड्याचा होरपळून मृत्यू झाला आहे.
आग लागल्यानंतर परिसरातील नागरिकांनी घटनास्थळी धाव घेऊन आग विझवली. पण, तोपर्यत झोपड्या जळून खाक झाल्यामुळे अनेकांचे संसार उघड्यावर आले आहे. आगीचे कारण अस्पष्ट आहे.
