वंदना वेदपाठक, इंडिया दर्पण वृत्तसेवा
महेश मांजरेकर दिग्दर्शित ‘जुनं फर्निचर’ या चित्रपटाचा टीझर काही दिवसांपूर्वीच रिलीज झाला होता. तो सर्वांच्या पसंतीस उतरला आहे. आता या चित्रपटा मधील कलाकारांची नावं समोर आली आहेत. महेश मांजरेकरांची या चित्रपटातील करारी व्यक्तिरेखेची झलक सर्वांनीच पाहिली. चित्रपटातील इतर कलाकारांची नावं व त्यांचे लूक आता समोर आले आहेत. नुकतेच या चित्रपटाचे पोस्टर सोशल मीडियावर शेअर करण्यात आले आहे.
या पोस्टरमध्ये महेश मांजरेकर यांच्यासोबत मेधा मांजरेकर, उपेंद्र लिमये, भूषण प्रधान, अनुषा दांडेकर आणि सचिन खेडेकर दिसत आहेत. पोस्टरमध्ये न्यायालय, न्यायधीश आणि काही कागदपत्रे दिसत आहेत, ज्यावर न्याय, हक्क, कायदा लिहिलेले आहे. त्यामुळे आता ही कोणती लढाई लढली जाणार आहे, याचे उत्तर प्रेक्षकांना चित्रपट पाहूनच मिळणार आहे.चित्रपटात समीर धर्माधिकरी, डॉ. गिरीश ओक, विजय निकम, संतोष मिजगर, अलका परब, शरद पोंक्षे यांच्याही महत्वपूर्ण भूमिका आहेत.
याव्यतिरिक्त या चित्रपटात ओंकार भोजने, शिवाजी साटम यांचीही झलक पाहायला मिळणार आहे. त्यामुळे या चित्रपटात अनेक तगड्या कलाकारांना एकत्र पाहाण्याची संधी मिळणार आहे. या मल्टीस्टारर चित्रपटाची कथा, पटकथा, संवाद आणि दिग्दर्शन महेश वामन मांजरेकर यांनी केलं आहे आणि यतिन जाधव यांची निर्मिती आहे.
