नाशिक (इंडिया दर्पण वृत्तसेवा)– मुबईनाका पोलीस ठाणे हद्दीत वेगवेगळया ठिकाणी पार्क केलेल्या कार फोडून चोरट्यांनी दोन लॅपटॉप चोरून नेले. मंगळवारी (दि.२६) या घटना घडल्या असून, याप्रकरणी पोलीस दप्तरी एकत्रीत गुन्हा दाखल करण्यात आला आहे.
उमेश गणेश सुरंजे (रा.माऊलीनगर,गामणे मळा पाथर्डी फाटा) यांनी याबाबत फिर्याद दिली आहे. सुरंजे यांची कार महामार्गावरील हॉटेल इनायत कॅफे भागत पार्क केलेली असतांना अज्ञात चोरट्यांनी कारच्या दरवाजाची काच फोडून लॅपटॉप चोरून नेला.
दुसरी घटना न्यु क्युरी मानवता हॉस्पिटल भागात घडली. सर्व्हीस रोडवर पार्क केलल्या कारची काच फोडून चोरट्यांनी लॅपटॉप बॅग चोरून नेली. या बॅगेत लॅपटॉपसह हार्डडिस्क आणि महत्वाची कागदपत्र होती. याबाबत मुंबईनाका पोलीस ठाण्यात गुह्याची नोंद करण्यात आली असून अधिक तपास हवालदार म्हैसधुणे करीत आहेत.
जुगार खेळविणा-या पोलीसांनी ठोकल्या बेड्या
नाशिक (इंडिया दर्पण वृत्तसेवा)- अंक आकड्यावर जुगार खेळविणा-या जुगारीस पोलीसांनी बेड्या ठोकल्या. तुळजाई हॉटेल भागात ही कारवाई करण्यात आली असून संशयित नागरीकांना पैसे लावून जुगार खेळण्यास भाग पाडत होता. त्याच्या ताब्यातून रोकडसह जुगाराचे साहित्य हस्तगत करण्यात आले असून याप्रकरणी पंचवटी पोलीस ठाण्यात गुन्हा दाखल करण्यात आला आहे.
प्रकाश राजू जाधव (रा.हमालवाडी पेठरोड) असे गुन्हा दाखल करण्यात आलेल्या संशयित जुगारीाचे नाव आहे. तुळजाई हॉटेल भागात एक तरूण नागरीकांना जुगार खेळण्यास प्रवृत्त करीत असल्याची माहिती पोलीसांना मिळाली होती. त्यानुसार गुरूवारी (दि.२८) पोलीसांनी धाव घेतली असता संशयित पोलीसांच्या हाती लागला. तो कल्याण बाजार नावाचा जुगार खेळत व खेळवितांना मिळून आला. त्याच्या ताब्यातून १हजार ५२० रूपयांची रोकड व जुगाराचे साहित्य हस्तगत करण्यात आले असून याबाबत अंमलदार गोरक्ष साबळे यांनी दिलेल्या फिर्यादीवरून गुन्हा दाखल करण्यात आला आहे. अधिक तपास पोलीस नाईक जयवंत लोणारे करीत आहेत.
