इंडिया दर्पण ऑनलाईन डेस्क
शिवसेनेचे कार्य, मुंबईत सुरू असलेली विकासकामे आणि पंतप्रधान नरेंद्र मोदीजी यांच्या नेतृत्वाखाली गेल्या १० वर्षात देशाचा झालेला सर्वांगीण विकास पाहून शिवसेनेमध्ये सक्रिय होण्याचा निर्णय अभिनेता गोविंदा यांनी घेतला असल्याचे सांगितले.
गोरेगाव चित्रनगरी जगातील सर्वोत्कृष्ट चित्रनगरी व्हावी यासाठी भविष्यात विशेष प्रयत्न करण्याची इच्छा त्यांनी माझ्याकडे व्यक्त केल्याचे यावेळी मुख्यमंत्री एकनाथ शिंदे यांनी सांगितले. अभिनेता गोविंदा यांनी शिवसेनेत प्रवेश करताना आपल्याला कोणत्याही पदाची अथवा तिकिटाची अपेक्षा नसल्याचे सांगितले.
मात्र त्यांची लोकप्रियता पाहता त्यांची पक्षाच्या लोकसभा प्रचारात ‘स्टार प्रचारक’ म्हणून नियुक्ती करत असल्याचे यावेळी जाहीर केले. तसेच खासदार म्हणून त्यांना असलेल्या प्रशासकीय अनुभवाचा पक्षाला पुढील वाटचालीत नक्कीच उपयोग होईल अशी अपेक्षा यावेळी व्यक्त केली.
