नाशिक (इंडिया दर्पण वृत्तसेवा)- महामार्गावरील पाथर्डी फाटा भागात भरधाव अज्ञात वाहनाने दिलेल्या धडकेत दुचाकीस्वार ठार झाला. याप्रकरणी अंबड पोलीस ठाण्यात गुन्हा दाखल करण्यात आला आहे.
बाळासाहेब धोंडीराम कुंभार्डे (५६) असे मृत दुचाकीस्वाराचे नाव आहे. कुंभार्डे मंगळवारी (दि.२६) रात्री महामार्गावरून प्रवास करीत असतांना हा अपघात झाला. राजराजेश्वरी लॉज समोरील उड्डाणपूलावरून ते प्रवास करीत असतांना मुंबईकडून नाशिकच्या दिशेने भरधाव येणा-या अज्ञात चारचाकीने दुचाकीस धडक दिली.
या अपघातात कुंभाडे यांचा मृत्यू झाला. याबाबत जमादार हारूण शेख यांनी दिलेल्या फिर्यादीवरून गुन्हा दाखल करण्यात आला असून अधिक तपास उपनिरीक्षक पाडवी करीत आहेत.
