इंडिया दर्पण ऑनलाईन डेस्क
माढा लोकसभा मतदारसंघातून उमेदवारी नाकारल्याने नाराज झालेल्या मोहिते पाटील शरदचंद्र पवार राष्ट्रवादी काँग्रेस पक्षात प्रवेश करणार आहेत. विजयसिंह मोहिते पाटील, जयसिंह मोहिते पाटील आणि धैर्यशील मोहिते पाटील आज शरद पवार यांच्यासोबत होणाऱ्या बैठकीत धैर्यशील मोहिते पाटील यांना प्रवेश देवून माढा लोकसभेची उमेदवारी त्यांना दिली जाण्याची शक्यता आहे.
मोहिते पाटील हे तुतारी चिन्ह घेऊन माढा लोकसभा मतदारसंघाची निवडणूक लढवण्याची शक्यता आहे. मोहिते पाटील शरद पवार गटात गेल्यास पश्चिम महाराष्ट्रात भाजपला मोठा फटका बसण्याची शक्यता आहे. जयसिंह मोहिते पाटील यांनी दिलेल्या माहितीनुसार, आमदार रणजितसिंह मोहिते पाटील भाजपमध्येच राहणार आहेत.
मोहिते पाटील यांना उमेदवारी मिळाल्यास माढा लोकसभा मतदारसंघात निंबाळकर विरुद्ध मोहिते पाटील ही लढत तुल्यबळ होणार आहे.
