नाशिक (इंडिया दर्पण वृत्तसेवा) – नाशिक मुंबई- आग्रा महामार्गावर वाडिव-हे शेवाळी विहिरी जवळ कंटेनर पलटी होऊन एक जण जखमी झाल्याची घटना घडली आहे. बुधवारी दुपारी साडेतीन वाजता नाशिककडून मुंबई कडे जाणारा कंटेनर चालकाचे नियंत्रण सुटल्याने गाडी दुभाजकला धडकल्यामुळे हा अपघात झाला. या अपघातात चालक जखमी झाला.
या अपघातात कंटेनर क्रं UP.78.DN.8534 हा पलटी झाला. अपघातात रागमन देवीधन (४६) उत्तर प्रदेश हे जखमी झाले आहे. या अपघाताची माहिती मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत रुग्णवाहिका लगेचच अपघात स्थळी पोहोचली. त्यांतर जखमी चालकाला नाशिक सिव्हिल हॅास्पिटलमध्ये दाखल केले.
