नाशिक (इंडिया दर्पण वृत्तसेवा) : आडगावनाका भागात वाहन पार्किंगच्या वादातून टोळक्याने एकास बेदम मारहाण केल्याची घटना घडली. या घटनेत लाकडी दांडक्याचा वापर करण्यात आल्याने ४१ वर्षीय व्यक्ती जखमी झाला असून, याप्रकरणी पंचवटी पोलीस ठाण्यात गुन्हा दाखल करण्यात आला आहे.
अभिषेक राऊत व त्याचे साथीदार अशी मारहाण करणा-या संशयितांची नावे आहेत. याबाबत योगेश वासूदेव पवार (४१ रा.आदयशक्ती सोसा.संत जनार्दन स्वामीनगर) यांनी याबाबत फिर्याद दिली आहे. पवार व संशयित राऊत एकाच सोसायटीतील रहिवासी असून त्यांच्यात रविवारी (दि.२४) सायंकाळी सोसायटीच्या पार्किंगमध्ये वाहन पार्क करण्याच्या कारणातून वाद झाला होता.
यावेळी राऊत याने अन्य साथीदारांना बोलावून घेत पवार यांना शिवीगाळ व दमदाटी करीत बेदम मारहाण केली. यावेळी लाकडी दांडक्याचा वापर करण्यात आल्याने पवार जखमी झाले असून अधिक तपास जमादार वनवे करीत आहेत.
