नाशिक (इंडिया दर्पण वृत्तसेवा)- रंगपंचमीच्या निमित्ताने सवंगडी या सामाजिक संस्थेतर्फे अत्यंत आगळ्यावेगळ्या अशा ‘फेस पेंटिंग’ स्पर्धेचे आयोजन शनिवार दि. ३० मार्च रॊजी सकाळी ८ ते ११ या वेळेत यशवंत व्यायामशाळा,नाशिक येथे करण्यात आले आहे.
‘फेस पेंटिंग’ स्पर्धा दोन गटांमध्ये आयोजित करण्यात आली आहे. पहिला गट १२ वर्षांखालील असून, त्यात फेस पेंटिंग करणार्‍या आर्टिस्टचे वय १२ वर्षांच्या आत असणे आवश्यक आहे, ज्याच्या चॆहऱ्यावर पेंटिंग करायचे आहे, त्याच्या वयाची अट नाही.
तर दुसरा गट १२ वर्षांवरील खुला गट असून, त्यात आर्टिस्टचे वय १२ वर्षांपेक्षा अधिक असावॆ. स्पर्धॆच्या ठिकाणी आयोजकांसमोर स्पर्धकानॆ पेंटिंग करून दाखवायचे आहे.
स्पर्धेसाठी निसर्ग व क्रीडा हे विषय असून, फेस पेंटिंग करण्यासाठी ब्रश, रंग इ. साहित्य स्पर्धकांनी स्वतः आणायचे आहे, याची नोंद घ्यावी. स्पर्धेतील विजेत्यांना आकर्षक पारितोषिके देण्यात येणार आहेत. स्पर्धा निःशुल्क असून, नाव नोंदणीसाठी व अधिक माहितीसाठी वेदिका हिंगमिरे 9172914824 , गौरी बैचे 9421899420 यांच्याशी संपर्क साधावा. या आगळ्यावेगळ्या स्पर्धेचे यंदाचे पहिलेच वर्ष असून, जास्तीत जास्त स्पर्धकांनी सहभागी व्हावे असे आवाहन आयोजकांतर्फे करण्यात आले आहे.
