नाशिक (इंडिया दर्पण वृत्तसेवा) – नाशिकरोड रेल्वे स्थानकापासून जवळ असलेल्या रेल्वे लाईनवर धावणा-या गोदान एक्सप्रेसच्या एका डब्याला आग लागल्याची घटना शुक्रवारी दुपारी घडली. ही प्रवासी एक्सप्रेस नाशिकरोड रेल्वे स्थानकातून मनमाडकडे जात असतांना ही आग लागली. ही आग कशी लागली हे मात्र कळू शकले नाही.
दुपारी रेल्वे बोगीला आग लागली. त्यामुळे काही काळ प्रवाशी आणि प्रशासनामध्येही घबराटीचे वातावरण होते. रेल्वे कर्मचारी अग्निशमन दलाच्या तत्पर्तेने आग विझवण्याचे काम केले. या ठिकाणी पोलिस दलही दाखल झाले.
