नाशिक (इंडिया दर्पण वृत्तसेवा) – भरदिवसा घरफोडीत करत चोरट्यांनी सुमारे तीन लाखाच्या ऐवज लंपास केल्याची घटना अमृतधाम भागात घडली. या घरफोडीत रोकडसह सोन्याचांदीचे दागिने चोरट्यांनी चोरुन नेले. याप्रकरणी पंचवटी पोलीस ठाण्यात घरफोडीचा गुन्हा दाखल करण्यात आला आहे.
सचिन सुधाकर घुले (रा.रूख्मिनी हाईटस, गोपाळनगर) यांनी याबाबत फिर्याद दिली आहे. घुले कुटुंबिय गुरूवारी (दि.२१) अल्पशा कामानिमित्त घराबाहेर पडले असता ही घटना घडली.
अज्ञात चोरट्यांनी त्यांच्या बंद घराचे कुलूप तोडून बेÞडरूममधील लोखंडी कपाटात ठेवलेले दीड लाखाची रोकड व सोन्याचांदीचे दागिणे असा सुमारे तीन लाख ३ हजार रूपये किमतीचा ऐवज चोरून नेला. अधिक तपास उपनिरीक्षक देवरे करीत आहेत.
चोरट्यांनी लॅपटॉप चोरून नेला…
नाशिक (इंडिया दर्पण वृत्तसेवा) – सिडकोतील पाटील नगर भागात उघड्या खिडकीत हात घालून चोरट्यांनी लॅपटॉप चोरून नेल्याची घटना घडली. या घटनेत बॅगसह सुमारे ६० हजार रूपये किमतीचा लॅपटॉप चोरट्यांनी चोरून नेला असून याप्रकरणी अंबड पोलीस ठाण्यात गुन्हा दाखल करण्यात आला आहे. मनोज एकनाथ वाघ (रा.दर्शन व्हिलाच्या मागे,पाटीलनगर) यांनी याबाबत फिर्याद दिली आहे.
मंगळवारी (दि.१९) रात्री ही घटना घडली. अज्ञात चोरट्यांनी वाघ यांच्या घरातील बेडरूमच्या खिडतीत हात घालून टेबलावर ठेवलेली लॅपटॉप बॅग चोरून नेली. या बॅगेत सुमारे ६० हजार रूपये किमतीचा लॅपटॉप,चार्जर व केबल असा ऐवज होता. अधिक तपास हवालदार महाजन करीत आहेत.
