वंदना वेदपाठक, इंडिया दर्पण ऑनलाईन डेस्क
वन्य प्राणी जीवनात मानवी हस्तक्षेप वाढतो आहे, त्यामुळे वन्य प्राणी अलीकडे जरा जास्तच हिंसक होत चाललेत. सोशल मीडियावर नुकताच एक व्हिडिओ व्हायरल होत आहे. या व्हिडिओला लोकांची मोठ्या प्रमाणात पसंतीही मिळाली आहे. नुकताच जो व्हिडिओ समोर आला आहे, तो खूपच धक्कादायक आहे.
या व्हिडिओमध्ये एक हत्ती आपल्या डोक्याने पर्यटकांनी भरलेल्या वाहनाला धक्का देताना दिसत आहे. यात तुम्ही पाहू शकता, की कशाप्रकारे हत्ती पर्यटकांची गाडी पाडण्यासाठी पूर्ण ताकद लावत आहे. व्हिडीओच्या सुरुवातीला तुम्ही बघू शकता की रस्त्याच्या कडेला एक वाहन उभं आहे आणि त्याच्या समोर एक मोठा हत्ती आहे. काही वेळातच हा प्राणी वाहनावर हल्ला करून ते पाडण्याचा प्रयत्न करतो. गाडीतील लोक ओरडू लागतात आणि मग हत्ती क्षणभर गाडीजवळून निघून जातो.
पण, तो पुन्हा डोक्याने गाडी ढकलतो आणि शेवटी गाडी इथून मागे हटते. व्हिडिओ वरून हेच समजते की वन्य प्राण्यांना देखील त्यांची स्पेस हवी असते, परंतु वरचेवर मानवी हस्तक्षेप हा वाढतो आहे त्यामुळे वन्य प्राणी असे धोकादायक वर्तन करतील, हे नक्की!
