येवला (इंडिया दर्पण वृत्तसेवा)– शहरातील नागड दरवाजा चौफुली भागात मध्यरात्रीच्या सुमारास दोघा चोरट्यांनी किराणा दुकान फोडले. मात्र आवाज आल्याने परिसरातील काही तरुणांनी धाव घेत दोघा चोरट्यांना रंगे हाथ पकडत चांगलाच चोप दिला.
त्यानंतर या चोरट्यांना येवला शहर पोलिसांच्या ताब्यात दिले. या दोघांकडून टामी,चाकू व मोटरसायकल जप्त करण्यात आले आहे. या दोघां विरोधात गुन्हा दाखल करण्यात आला आहे. सध्या दुष्काळी परिस्थितीमुळे चो-यांच्या प्रमाणात वाढ झाल्याने पोलिसांनी गस्त वाढविण्याची मागणी करण्यात आली आहे.
