नाशिक (इंडिया दर्पण वृत्तसेवा)- सिडकोतील सह्याद्रीनगर भागात झालेल्या घरफोडीत चोरट्यांनी सुमारे एक लाखाच्या ऐवजावर डल्ला मारला. त्यात दहा हजाराची रोकड, सोन्याचांदीचे दागिणे व कॅमेराचा समावेश आहे. याप्रकरणी अंबड पोलीस ठाण्यात घरफोडीचा गुन्हा दाखल करण्यात आला आहे.
सागर नवनीत जैन (रा.हनुमान मंदिराजवळ, सह्याद्रीनगर) यांनी याबाबत फिर्याद दिली आहे. जैन कुटूंबिय रविवारी (दि.१७) बाहेरगावी गेले असता ही घटना घडली. अज्ञात चोरटयांनी जैन यांच्या बंद घराचा कडीकोयंडा तोडून बेडरूममधील कपाटातून सोन्याचांदीचे दागिणे,दहा हजाराची रोकड व कॅनन कंपनीचा कॅमेरा असा सुमारे १ लाख ६ हजाराचा ऐवज चोरून नेला. अधिक तपास उपनिरीक्षक पाडवी करीत आहेत.
३७ वषीय व्यक्तीची आत्महत्या
नाशिक (इंडिया दर्पण वृत्तसेवा)- जेलरोड परिसरात राहणा-या ३७ वषीय व्यक्तीने गळफास लावून घेत आत्महत्या केली. सदर इसमाच्या आत्महत्येचे कारण समजू शकले नाही. याबाबत नाशिकरोड पोलीस ठाण्यात मृत्यूची नोंद करण्यात आली आहे.
सागर माधव महाले (रा.हरिकृष्ण नगर राजराजेश्वरी,जेलरोड) असे मृत इसमाचे नाव आहे. महाले याने मंगळवारी (दि.१९) आपल्या राहत्या घरात अज्ञात कारणातून गळफास लावून घेतला होता. ही बाब निदर्शनास येताच सुजीत वडघुले यांनी त्यास तात्काळ बिटको रूग्णालयात दाखल केले असता वैद्यकीय सुत्रांनी तपासून मृत घोषीत केले. अधिक तपास पोलीस नाईक घुले करीत आहेत.
