इंडिया दर्पण ऑनलाईन डेस्क
केंद्रीय गृह आणि सहकार मंत्री अमित शाह यांनी त्यांच्या गांधीनगर लोकसभा मतदारसंघातील अंगणवाडी केंद्रातील मुलांना गेमिंग झोनची सफर घडवली.
‘एक्स’ वरील आपल्या पोस्टमध्ये अमित शाह म्हणाले. “आज माझ्या मतदारसंघातील अंगणवाडी केंद्रातील मुलांना गेमिंग झोन मध्ये घेऊन गेलो. मुलांनी त्यांचे आवडते खेळ खेळण्यात खूप आनंद लुटला.” “एक खासदार म्हणून माझ्या लोकसभा मतदार संघातील अंगणवाडी केंद्रातील बालकांना श्रीमंत कुटुंबातील मुलांना मिळणाऱ्या सर्व सुविधा आणि आनंद मिळावा यासाठी माझा प्रयत्न आहे.
यासाठी त्यांना उत्तम शिक्षण, पोषक आहार यांसह खेळण्यांचे वाटप आणि गेमिंग झोन मध्ये करमणूक मिळावी यासाठी सातत्याने प्रयत्न सुरु आहेत. मुलांचा हा आनंद आणि उत्साह पाहून मी खूप भारावून गेलो आहे, असे केंद्रीय गृह आणि सहकार मंत्री म्हणाले.
