नाशिक (इंडिया दर्पण वृत्तसेवा)– धावत्या दुचाकीवरील चालकावर रिक्षाचालकाने चाकू हल्ला केल्याची घटना नॅशनल स्कूल परिसरात घडली. या घटनेत दुचाकीस्वार जखमी झाला असून, याबाबत मुंबईनाका पोलीस ठाण्यात गुन्हा दाखल करण्यात आला आहे.
पोलीसांनी दिलेल्या माहितीनुसार जुबेर शेख जाबीर (रा.खडकाळी) यांनी याबाबत फिर्याद दिली आहे. जुबेर जाबीर सोमवारी (दि.१८) सायंकाळच्या सुमारास वडाळागावातून दुधबाजाराच्या दिशेने दुचाकीवर प्रवास करीत असतांना ही घटना घडली.
इफ्तारीचे सामान व अंड्याचे पैसे देण्यासाठी ते जात असतांना नॅशनल स्कूलच्या पाठीमागील इजाज थेअटर समोर पाठीमागीन आलेल्या अनोळखी रिक्षाचालकाने जाबीर यांना काही कळण्याच्या आत त्यांच्या खांद्यावर व डाव्याबाजूस धारदार चाकूने वार करून पोबारा केला. अधिक तपास हवालदार गाढवे करीत आहेत.
