नाशिक (इंडिया दर्पण वृत्तसेवा) – घरफोडीत चोरट्यांनी सुमारे अडीच लाखाच्या ऐवजावर डल्ला मारला. गोविंदनगर भागात झालेल्या या घरफोडीत चोरट्यांनी सोन्याचांदीचे दागिने चोरुन नेले. याप्रकरणी मुंबईनाका पोलीस ठाण्यात गुन्हा दाखल करण्यात आला आहे.
नलिनी यादव जोशी (रा.विनायक अपा.प्रकाश पेट्रोल पंपामागे) यांनी याबाबत फिर्याद दिली आहे. जोशी कुटुंबिय ९ ते १८ मार्च दरम्यान बाहेरगावी गेले असता ही घटना घडली.
अज्ञात चोरट्यांनी त्यांच्या बंद घराच्या दरवाजाचा कडीकोयंडा तोडून बेडरूममधील कपाटात ठेवलेले सुमारे २ लाख ३८ हजार रूपये किमतीचे अलंकार चोरून नेले. अधिक तपास सहाय्यक निरीक्षक पाटील करीत आहेत.
