पुढील काही दिवसांसाठी असा आहे हवामानाचा अंदाज

माणिकराव खुळे, निवृत्त हवामानशास्त्रज्ञ
१- उत्तरेकडे राजस्थानच्या वायव्य टोकावर स्थित पश्चिमी झंजावात व दक्षिणेत तामिळनाडू स्थित चक्रीय वाऱ्यांची स्थिती अश्या प्रणाल्यांच्या एकत्रित परिणामामुळे येते ३ दिवस(१५ ते १७ ऑक्टोबर पर्यन्त) महाराष्ट्रातील मुंबईसह संपूर्ण कोकण, खान्देशमधील तसेंच नाशिक छ. सं.नगर, पुणे नगर सातारा सोलापूर सांगली कोल्हापूर जिल्ह्यात ढगाळ वातावरण राहून तुरळक ठिकाणीच केवळ अगदीच नगण्य किरकोळ पावसाची शक्यता जाणवते.

२- बुधवार दि.१८ ऑक्टोबर पासून पुन्हा ढगाळ वातावरण निवळून ऑक्टोबर हिटचा परिणाम महाराष्ट्रात पुन्हा पूर्ववत जाणवू लागेल.
दरवर्षीपेक्षा ह्यावर्षीची ऑक्टोबर हिट महाराष्ट्रात अधिक दाहक जाणवण्याची शक्यता असुन संपूर्ण महाराष्ट्रात सरासरीपेक्षा दुपारचे कमाल तापमान २ डिग्रीने तर पहाटेचे किमान तापमान ३ ते ४ डिग्रीने अधिक असण्याची शक्यता जाणवते. कोकण व मराठवाड्यात ऑक्टोबर हिटच्या परिणाम अधिक असु शकतो, असे वाटते.

३- वर अ. क्रं.१ मधील पाऊस हा दि. ९ ऑक्टोबर पासून सुरु झालेल्या रब्बीच्या तिसऱ्या आवर्तनातील असुन पावसाचा परिणाम दक्षिण महाराष्ट्रातील सिंधुदुर्ग, रत्नागिरी दक्षिण सातारा सोलापूर सांगली जिल्ह्यापर्यंत साधारण जाणवू शकतो, असे वाटते.

४– नैरूक्त मान्सून अद्यापही महाराष्ट्रातील वेंगुर्ल्यापर्यंत खिळलेलाच आहे. देशातून पूर्णपणे परतलेला नसून त्याला निरोप देण्यासाठी अजुनही वाट पहावी लागेल, असे वाटते. ईशान्य मान्सून तामिळनाडूमध्ये कदाचित २५ ऑक्टोबर दरम्यान सेट होण्याची शक्यता जाणवते.

५- सध्या चक्रीवादळाचा काळ असुन त्यांची निर्मिती व त्यामुळे महाराष्ट्रात होऊ शकणाऱ्या पावसासंबंधीची माहिती त्या-त्या वेळेस अवगत केले जाईल.

सध्या एव्हढेच !
माणिकराव खुळे
Meteorologist (Retd.)
IMD Pune.